ကြယ်တွေသဘင်ခင်းလို့ နှင်းငွေ့တွေလှိုင်
ဆီးမီးလည်း မြိုင်ပါတဲ့ လတန်ဆောင်တိုင်
တမ်းတကာ ရွှေရင်မော
လွမ်းသော စိတ်မှာ ငိုင်..။
မြတ်ကထိန် တစ်ကြိမ်သာခင်းတာမို့
မကျိန်ပါ ကြုံချင်စမ်းပါဘိ.
အို.. ဒီရင်မှာ မချိပါပေါ့ မှန်းဆမိသေး...။
မုန့်ဖိုးရယ် ကိုယ်စီ..
အလီလီစုပါလို့
များလူသူငါ ကောင်းမှုပြုမယ်လို့
မောင်နှမတွေ အကြောင်းပြုခဲ့တယ်..
တောင်းဆု တစ်ခုတည်း...။
မနည်းပါ များတယ်တော့ မဟုတ်..
အရုပ်တွေပုံစံချိုးပါလို့
လူသာငယ် သဒ္ဒါတွေကြွယ်လို့ရယ်..
ငွေအသပြာ စုကာပေါင်းခဲ့တယ်..
ကောင်းမှုပြုပွဲ..။
စာရေးတံချီ မဲလှန်ပြီဆိုပြန်တော့
ပွဲထံအမီ တို့တွေအပြေးလှမ်းတယ်..
ဘယ်ကျောင်း ဘယ်ကိုယ်တော်
ဘယ်လိုသာကံထူးပါလို့ တို့ပဒေသာ သိမ်းကာမြန်းပါ့မယ်..
မှန်းဆမျှော်တွေး..။
ညနေမှောင်ရီ ကထိန်ထီသိမ်းချိန်မတော့
နိဗ္ဗာန်ဆီ မှန်းရည်ကာလှူပြန်တဲ့
အရွယ်စုံ ဂုဏ်သိမ်မခြားလို့ရယ်
လာပါလေ ကျွေးကာမွေးတဲ့
စတုဒီသာပွဲ..။
မောင်က နှမကို ချီ.. ညီက အစ်ကိုကိုမှီ.
လူစည်ချိန် ပျောက်မှာစိုးလို့ရယ်..
ဆီးမီးခွက် ကိုယ်စီကိုင်လို့
ဘယ်အိမ်မှာ ဘာတွေကျွေး
အအေးအဖျော် ဆေးဖော်ကာတိုက်ကြပါလိမ့်
တစ်အိမ်ဝင် တစ်အိမ်ထွက်
မြည်းစမ်းကြသေး..။
အပြုံးရယ် ကိုယ်စီ
အေးလာချိန် အနွေးသာအောင်
မောင်ရယ် အစ်ကိုရယ် ထွေးလို့ရယ်
အိမ်ပြန်ချိန်တန်ပြီးမို့ရယ်
မြန်းကြနောက်ကြောင်း..။
အမိရယ် ဒွေးဒေါ်
အဘိုးအဘွား အပေါ်
မတော်တရော် ပြုပြစ်မှားမိရင်
ခွင့်လွှတ်ရန် ရွယ်ရည်
လက်အုပ်ကိုချီပါလို့ မြေပေါ်မှာ မျက်နှာအပ်လို့ကွယ်
တောင်းပန်ဆုတောင်း..။
တို့တစ်တွေ ကိုယ်စီ
အဝေးတစ်နေရာဆီ ရောက်နေခဲ့ပြီမို့
ငယ်ဖြစ်ဟောင်းတွေးမျှော်
ကလေးအဖော်ဘဝရယ်က
အတွေးအပျော်စလေးများကို
မတွေးသော် မမေ့စကောင်း..။
No comments:
Post a Comment